La piè in te test.
A ca nostra la piè las fa acsè:
L'azdor (me) e to 1 kg. ed farena bianca e u in sdaza la mitè.
Pu dop u la met tota in sem un'etra volta.
Ades ch' la mitè l'è piò fena e la mitè l'è piò grosa us po' fe la piè.
Us met la farena in te mez a e tulir, us sela cun 20/25 gr. ed sel fè, us met una bustina ed levd in poivra o 5 gr. ed bicarbonet e us armescla pre bè.
Ades us met 150 gr. ed gras ed ninè e us armescla incora cun la furzèna e pu cun al mè acsè che la farena la dveta grasa ma 'sotta.
Quend cus a finì ed armisclè usì po' metar mez bichir ed lat tevd e l'acua.
Come?
Quent'acua?
U i vò tant'acua tent c'la farena la s'a d'atàchesh un po' a e tulir.
Mnila fena cl'a dveta lèsha e murbia.
Ades fin 10 pez tot precis e mnì incora un pò' ogni pez.
Tulì e matarel e fi una spoja tonda e stila 1/2 cm. da ogni pez e cusila sora una prè pulida bela chelda ca y avì mes sora e fug una mezora prema.